რამდენად ხელმისაწვდომია საქართველოში ეკოლოგიურად სუფთა რძის პროდუქტები?

მსოფლიოში, განსაკუთრებით მაღალი და საშუალო შემოსავლების მქონე ქვეყნებში, ეკოლოგიურად სუფთა პროდუქციაზე მოთხოვნა სულ უფრო იზრდება. მოთხოვნის შესაბამისად, იზრდება საწარმოთა რიცხვიც, რომლებიც უარს ამბობენ მავნე დანამატებით გაჯერებული პროდუქტების წარმოებაზე. ეს ტენდენცია მეტ ინფორმაციაზე ხელმისაწვდომობამ განაპირობა – თანამედროვე ადამიანმა გაცილებით მეტი იცის იმ ზიანზე, რაც ქიმიკატებით, კონსერვანტებით, ჰორმონებით, ანტიბიოტიკებითა თუ სხვა მავნე ნივთიერებებით წარმოებული პროდუქციის ხშირ მოხმარებას მოაქვს. ის ზრდის ჭარბწონიანობის, დიაბეტის, სიმსივნეების, გულ-სისხლძარღვთა და სხვა ტიპის დაავადებების განვითარების რისკს.

ამის მიუხედავად, ბაზარზე ეკოლოგიურად სუფთა პროდუქტების რიცხვი ჯერ კიდევ ვერ აჭარბებს მავნე დანამატებით წარმოებულ პროდუქციას. ამიტომ, მომხმარებლები ცდილობენ გონივრულად ივაჭრონ და შეფუთვაზე დატანილი ეკოლოგიურობისა თუ ორგანულობის აღმნიშვნელი ნიშნებით იხელმძღვანელონ.

რატომაა მნიშვნელოვანი ეკოლოგიურად სუფთა პროდუქტის მოხმარება?

ეკოლოგიურ ან ორგანულ პროდუქციას, გარდა იმისა, რომ არ შეიცავს ისეთ ნივთიერებებს, რომლებიც მთელი რიგი დაავადებების განვითარებას უწყობენ ხელს, აქვს მაღალი კვებითი ღირებულება. ასეთ პროდუქტებში გაცილებით მეტი სასარგებლო ნუტრიენტი და ანტიოქსიდანტია. ორგანული საკვები, კიდევ უფრო მნიშვნელოვანია ბავშვთა კვებაში – ბავშვების ორგანიზმი უმწიფარია და მავნე ქიმიკატები უფრო დიდ უარყოფით გავლენას ახდენენ მათზე, ვიდრე ზრდასრულ ადამიანებზე.

ხარისხისა და წარმოებისთვის მეტი რესურსის საჭიროების გამო, ორგანული პროდუქტები მსოფლიო ბაზარზე, საშუალოდ, 20%-ით ძვირია. თუმცა, მათი მოხმარებით მიღებული სარგებელი ფასთან შედარებით განუზომლად დიდია.

გვაქვს თუ არა ნატურალური რძის პროდუქტი საქართველოში?

მიუხედავად იმისა, რომ ქვეყანას სოფლის მეურნეობის განვითარების უდიდესი პოტენციალი აქვს, ქართული წარმოება ჯერჯერობით მაინც ვერ ეწევა ბაზრის მოთხოვნებს და ქვეყანა ძირითადად იმპორტზეა ორიენტირებული. მცირე ადგილობრივი წარმოების გამო, ქართული ეკოპროდუქტების დიდი არჩევანი მომხმარებელს არ აქვს. არც უცხოეთიდან შემოტანილ პროდუქციაში უკავია ნატურალურ საკვებს დიდი წილი.

უცხოეთიდან შემოტანილი ეკოლოგიური პროდუქტების დიდი ნაწილი ევროპიდან შემოდის. ამ ტიპის პროდუქციის მთავარი იმპორტიორი ქვეყანაში „ევროპროდუქტია“. მან ბაზარზე აქტიურად ოპერირება 2004 წელს დაიწყო და დღეს ქართველ მომხმარებელს სთავაზობს არა მხოლოდ პრემიუმ ბრენდების პროდუქციას, არამედ ორგანულ, უგლუტენო, ულაქტოზო, უშაქრო და ვეგანურ ხაზებს. მათ შორის, „ევროპროდუქტს“ საქართველოში შემოაქვს მხოლოდ ნატურალური ინგრედიენტებისგან დამზადებული კარაქი.

სად შევიძინოთ ეკო პროდუქტი საქართველოში?

მომხმარებლებს ეკოპროდუქტების შეძენის შეზღუდული შესაძლებლობები აქვთ, თუმცა, დროთა განმავლობაში ასეთი საკვების რიცხვი ქართულ ბაზარზე იზრდება. დღეს მეტი ადგილობრივი ფერმერი არჩევს ნატურალური პროდუქტების წარმოებას, ფართოვდება ევროპული პროდუქციის ასორტიმენტიც. მხოლოდ „ევროპროდუქტი“ 2000-მდე სახეობის ევროპულ პროდუქციას უყრის თავს. კომპანია ბრენდების ექსკლუზიური იმპორტიორი და დისტრიბუტორია, რის გამოც მის მაღაზიებში ფასები ყველაზე ხელმისაწვდომია.