"მოდით, გავაკეთოთ შოკოლადის ფილა, რომელიც ნებისმიერი სპორტული ქურთუკის ჯიბეში ჩაეტევა"
მსოფლიოში ცნობილი გერმანული ბრენდის შოკოლადის - Ritter Sport-ის ისტორია იწყება იქ, სადაც როგორც წესი, მთავრდება ფილმები სიყვარულზე: - ქორწილიდან. 1912 წელს, კონდიტერმა ალფრედ ეუგენ რიტერმა და ტკბილეულის მაღაზიის მფლობელმა, კლარა გიოტლმა, ერთმანეთს თავიანთი ბედი ოფიციალურად დაუკავშირეს და იქორწინეს. მალევე, ერთად დააფუძნეს საკონდიტრო ფაბრიკა სახელად - Alfred Ritter Cannstatt და შაქრისგან დამზადებული ტკბილეულის და შოკოლადის წარმოებას შეუდგნენ.
Ritter’s Sport Schokolade
1932 წელს, შოკოლადის და სპორტის მოყვარულმა კლარა რიტერმა მეუღლეს შესთავაზა კვადრატული შოკოლადის ფილის წარმოება. განსხვავებული ფორმა მალევე მოიწონეს ოჯახურ წრეში. – „მოდით, გავაკეთოთ შოკოლადის ფილა, რომელიც ნებისმიერი სპორტული ქურთუკის ჯიბეში ჩაეტევა, არ გატყდება და ამასთან ერთად, ექნება შოკოლადის ფილისთვის დამახასიათებელი ყველა თვისება“ - ასე ჟღერდა კლარას იდეა და შოკოლადმა მიიღო სახელი - Ritter’s Sport Schokolade.
1952 წელს, კომპანიის მმართველობა მთლიანად დამფუძნებლების ვაჟის - ოტო რიტერის ხელში გადავიდა. მან ძალიან სარისკო ნაბიჯი გადადგა, როცა გადაწყვიტა შეემცირებინა საკონდიტრო ნაწარმის სახეობები და მხოლოდ Ritter Sport-ის შოკოლადის წარმოება გაეგრძელებინა. ასე გადავიდა ფაბრიკა კვადრატული ფორმის შოკოლადების წარმოებაზე, რომლის საბოლოო სტილი 1974 წელს ჩამოყალიბდა. Ritter Sport-ის შოკოლადის ყოველ ფილას დღემდე კვადრატის ფორმა აქვს, რომელიც დაყოფილია 16 პატარა კვადრატად. ბოლო შტრიხი იყო ფერი, რომელიც სხვადასხვა სახეობისთვის ინდივიდუალურად შეირჩა.
„გატეხვის ხრიკმა და ჯიბეში ჩასადებმა ფორმატმა“ გაამართლა. 1976 წელს შეიქმნა რევოლუციური შეფუთვა Knick -Pack, რომლის გახსნაც ძალიან მარტივად, ფილის გადატეხვით ხდება. ეს ხრიკი ბრენდის განუყოფელი ნაწილი გახდა!
კომპანია ყიდულობს „სუფთა შოკოლადს“ Côte d'Ivoire-სგან (კოტ-დ’ივუარი) და იბრძვის უფლების მოპოვებისთვის, რომ იყოს მსოფლიოში ერთადერთი „კვადრატი“.
ოჯახის საკუთრებაში არსებულმა კომპანიამ, რომელმაც გადაიტანა ორი მსოფლიო ომი და უთვალავი რაოდენობის ეკონომიკური კრიზისი, ბოლო ათწლეულების მანძილზე, ღირსეული კონკურენცია გაუწია თავის სფეროში არსებულ კომპანიებს. მაშინ, როდესაც წამყვანი ბრენდები აგრძელებდნენ ქვეყნის მაცხოვრებლების თითქმის მონური შრომის ხარჯზე არსებობას, Ritter Sport-ი ყიდულობს პლანტაციებს ნიკარაგუაში, მოჰყავს კაკაო, აშენებს საავადმყოფოებს, სკოლებსა და სახლებს, ადგილობრივი მუშებისთვის. კომპანია ყიდულობს „სუფთა შოკოლადს“ Côte d'Ivoire-სგან (კოტ-დ’ივუარი) და იბრძვის უფლების მოპოვებისთვის, რომ იყოს მსოფლიოში ერთადერთი „კვადრატი“.
Ritter Sport-ის სახეობები და დამზადების სპეციფიკა
1970 წელს გერმანია ფაქტობრივად კვადრატულმა Ritter Sport-მა დაიპყრო. არ არსებობდა ადამიანი, ვინც ჭკუას არ კარგავდა საოცარ გემოზე, რომელიც უმაღლესი სორტის კაკაოს მარცვლებისგან მზადდებოდა. ამ პერიოდიდან დაწყებული, შოკოლადი ახალ სახეობებს და შიგთავსებს იძენდა. ყოველი სახეობა, თეთრი შოკოლადიდან - მწარემდე, შიგთავსით და მის გარეშე, გამოირჩევა ხარისხით და უნიკალურობით. გერმანული დელიკატესი შეიცავს ნატურალურ კომპონენტებს და სასარგებლო ინგრედიენტებს: ბუნებრივ სეროტონინს და კადმიუმს, ხილთან, თხილეულთან და კრემის დანამატებთან კომბინაციაში. ასევე, მის შემადგენლობაში შედის მაგნიუმი, კალციუმი და კალიუმი, რაც აუცილებელია ორგანიზმისთვის.
Ritter Sport-ის ყოველი გემო ემყარება რჩეულ რძეს, უმაღლესი ხარისხის კაკაოს მარცვალს, ხილს, კენკრას, ცხიმს, ნატურალურ არომატიზატორებს, შაქარს და სასარგებლო ზეთებს. მთავარ როლს წარმოებაში ასრულებს შესანიშნავი სანელებლები მსოფლიოს სხვადასხვა კუთხიდან. ისინი დესერტს ანიჭებს განსაკუთრებულ ნოტებს, პიკანტურობას და მომენტალურად იპყრობს ადამიანების გულებს.
მსოფლიო წარმატება
დღეს ამ ბრენდს მსოფლიოს თითქმის ყველა ქვეყანაში იცნობენ და უყვართ, ხოლო საქართველოში მისი ისტორია 2017 წლიდან იწყება. მაშინ, როდესაც სუპერმარკეტების ქსელმა „ ევროპროდუქტმა“ გადაწყვიტა ქართველი მომხარებლებისთვის ხელმისაწვდომი გაეხადა ყველაზე ფერადი და ჯადოსნური გემო. გემო, რომელსაც თუ ერთხელ მაინც გასინჯავ, ვეღარასოდეს დაივიწყებ!
აქვე, იმასაც გეტყვით, რომ რადგან Ritter Sport-ის ერთადერთი ოფიციალური იმპორტიორი „ევროპროდუქტია“, ამ ქსელში, ყველაზე დაბალ ფასად შეძლებთ მის შეძენას.