ჰოლინგერის ეფექტური ენერგეტიკული სასმელი

როგორც წესი, ყავა ადამიანისათვის ერთგვარი ენერგიის წყაროა - ის გვეხმარება დილის დაწყებაში, ხანგრძლივი სამუშაო დღისა თუ ღამის ცვლის გადატანაში. აი, მაგალითად ამბობენ, რომ ფრანგი მწერალი, ონორე დე ბალზაკი მძიმე ფიზიკური შრომის ფონზე დღეში 50 ჭიქა ყავასაც კი სვამდა. მოგვიანებით, ეს ტრადიციული ვარიანტი ენერგეტიკულმა სასმელებმა თითქმის ჩაანაცვლა.  

ენერგეტიკული სასმლის ისტორია მეორე მსოფლიო ომის შემდგომ იაპონიაში იწყება.  1962 წელს ფარმაცევტულმა კომპანიამ Taisho მცენარეული ტონიკი შექმნა, რომელსაც Lipovitan D უწოდა. თავდაპირველად აღნიშნული ტონიკი სატვირთო მანქანის მძღოლებისა და ქარხნის მუშებისთვის იყო განკუთვნილი, რადგან მათ ხანგრძლივი მორიგეობებისას სიფხიზლე სჭირდებოდათ. 

ამასობაში ენერგეტიკული სასმელები აზიიდან ევროპისაკენ გავრცელდა და ავსტრიამდეც მიაღწია. შედეგად 1998 წლიდან ავსტრიული კომპანია ჰოლინგერი ცნობილია თავისი ინოვაციური და მაღალხარისხიანი ორგანული ხილის წვენებითა თუ ენერგეტიკული სასმელებით. კომპანიის დამფუძნებელს გერჰარდ ჰოლინგერს მიაჩნდა, რომ საუკეთესო ხარისხის პროდუქცია საკმარისად კარგი იქნებოდა ბავშვების ზრდა-განვითარებისათვის. სწორედ, ამ იდეასა და ფილოსოფიას დაეფუძნა კომპანია, რომელსაც ათწლეულების ტრადიცია აქვს. 

აღსანიშნავია, რომ ჰოლინგერი ორგანულ ენერგეტიკულ სასმელებს აწარმოებს, რომლებიც მათსავე ხილის წვენების ბაზაზეა დამზადებული.  გარდა იმისა, რომ პროდუქტი ვეგანურია და ქიმიურ დანამატებს არ შეიცავს, ამასთანავე, ყავის კოფეინის მაღალი შემცველობით ხასიათდება, რაც ენერგიის მაქსიმალურ შევსებაში დაგეხმარებათ. საქართველოში ჰოლინგერის ენერგეტიკული სასმელები მაღაზია ევროპროდუქტის ფილიალებშია ხელმისაწვდომი. 

როგორც აღინიშნა, ენერგეტიკული სასმელები, ჩვეულებრივი გამაგრილებელი სასმელებისაგან განსხვავებით, შექმნილია სხეულისა და გონების გამოცოცხლებისა და ენერგეტიკული სტიმულირებისათვის. ამ ეფექტის მისაღებად კი სასმელი განსაკუთრებულ ინგრედიენტებს უნდა შეიცავდეს.

თავისი თვისებრივი მახასიათებლებიდან გამომდინარე, ენერგეტიკული სასმლის მთავარი ინგრედიენტი კოფეინია. კოფეინი ცენტრალური ნერვული სისტემის სტიმულატორია, რომელიც აძლიერებს სიფხიზლის მდგომარეობას და ამცირებს დაღლილობას. 

ამასთანავე, როგორც წესი ენერგეტიკული სასმელები შეიცავს ისეთ ამინომჟავებს, როგორებიცაა: ტაურინი და L-კარნიტინი. მათ აქვთ უნარი გააძლიერონ ადამიანში კოგნიტიური ფუნქცია და კუნთებს დაღლილობის შეგრძნების შემცირებაში დაეხმარონ.  

ზოგიერთი ენერგეტიკული სასმელი გაჯერებულია ვიტამინებით, განსაკუთრებით კი B ჯგუფის იმ ვიტამინებით, როგორებიცაა: B6 და B12. აღნიშნული მინერალები ხელს უწყობს საკვების ენერგიად გარდაქმნას. თუ გავითვალისწინებთ იმას, რომ ჰოლინგერის ენერგეტიკული სასმელი ნატურალური ხილის წვენის ბაზაზეა დამზადებული, მაშინ თამამად შეგვიძლია ვთქვათ, რომ პროდუქციაში ვიტამინებისა და მინერალების მაღალი კონცენტრაციაა. 

გარდა ჩამოთვლილი ინგრედიენტებისა, ენერგეტიკული სასმელი შესაბამისი გემოვნური თვისებების მისაღებად, შაქარს და დამატებით ნივთიერებებს შეიცავს. თუმცა, აქვე უნდა აღინიშნოს, რომ ჰოლინგერის ენერგეტიკული სასმელები დანამატებისა და კონსერვანტების გარეშეა დამზადებული, რაც მას მეტად გამორჩეულს ხდის არა მარტო გემოთი არამედ ხარისხით. 

პოტენციურად მავნე მიკროორგანიზმების მოსაკლავად და შენახვის ვადის გახანგრძლივების მიზნით, სასმელი ჩვეულებრივ ექვემდებარება პასტერიზაციას ან თერმულ დამუშავებას. ეს პროცესი გულისხმობს ნარების გათბობას კონკრეტულ ტემპერატურამდე და შემდეგ სწრაფ გაგრილებას. ამის შემდეგ კვლავ გადის ხარისხის კონტროლს და საბოლოოდ შესაბამისი მასალისაგან დამზადებულ ქილებში ნაწილდება. 

ზომიერი მოხმარების შემთხვევაში ენერგეტიკული სასმელი სხვადასხვა სარგებლის მომტანია. მაგალითად,  გარდა დაღლილობის შეგრძნების შემცირებისა, სასმელი  სამუშაოს შესრულებისას მნიშვნელოვნად აუმჯობესებს ფიზიკურ გამძლეობას. 

ენერგეტიკული სასმლის შემცველობაში არსებული კოფეინი დადებითად აისახება განწყობაზე. მიღების დროს გამოიყოფა ისეთი ნეიროტრანსმიტერები, როგორებიცაა: დოფემინი და სეროტონინი, რაც პოტენციურად ამაღლებს განწყობას. ალკოჰოლური სასმელი წვეულებისათვის შეუცვლელია, თუმცა სადღესასწაულო განწყობას ენერგეტიკული სასმელებიც არაჩვეულებრივად ამაღლებს.

ამასთანავე, ენერგეტიკული სასმელი ხშირად მოიხმარება სოციალურ გარემოში და შეიძლება ჩაითვალოს სასიამოვნო სასმელად, რომელიც უზრუნველყოფს, არა მხოლოდ ენერგიას, არამედ გამაგრილებელ ეფექტსაც. 

შესაძლოა ეს სასმელი განსაკუთრებულად მომხიბვლელი იყოს მთამსვლელებისა და ექსტრემალური სპორტით გატაცებული ადამიანებისათვის. ეს იმიტომ, რომ მათ სჭირდებათ სიფხიზლე, მოჭარბებული ენერგია, ამაღლებული განწყობა. ამასთანავე, ნალექიან ყავასთან შედარებით, ენერგეტიკული სასმელი მარტივად გადასაადგილებელია და მომზადებაც არ სჭირდება,  ამასთანავე, არც დიდ ადგილს მოითხოვს და არც მძიმეა. 

და ბოლოს ჰოლინგერის გენიალურობა მეტად მარტივ ფორმულას ეფუძნება - მწარმოებელმა უარი თქვა ხელოვნურ საღებავებზე, არომატიზატორებზე, დამატკბობლებსა და კონსერვანტებზე. ამ ჯანსაღ სასმელს, რომელიც საუცხოო გემოებისა და მოზღვავებული ენერგიის გარანტია, ევროპროდუქტის მაღაზიათა ქსელში შეიძენთ.