ფასი: -

ყავა და ჩაი

ბრენდი

ფილტრი

tag icon -19%
მიუწვდომელია Online

ყავა

ყავა, არომატული სასმელი, რომელიც თქვენს პროდუქტიულობას მნიშვნელოვნად ზრდის, დიდი ხანია რაც ჩვენი დილის განუყოფელ ნაწილად იქცა. ამას გარდა, მისი დატვირთვა ენერგიის სტიმულაციას მნიშვნელოვნად სცილდება, რადგან დროთა განმავლობაში ყავა კომუნიკაციის, მეგობრებთან, ოჯახის წევრებთან თუ კოლეგებთან შეხვედრების აუცილებელი ნაწილი გახდა.

საიდან იწყება ყავის ისტორია?

ყველაფერი ეთიოპიაში ყავის აღმოჩენით დაიწყო, რის შემდეგაც სასმელი არაბეთის ნახევარკუნძულზე გავრცელდა და მე-15 საუკუნისათვის ისლამურ სამყაროში დიდი პოპულარობა მოიპოვა. ყავის მასშტაბური მოხმარება სავაჭრო გზების განვითარებასა და გაფართოებას უკავშირდება. ამ ფაქტმა ჯერ სპარსეთში, ეგვიპტეში, სირიასა და თურქეთში, შემდეგ კი მთელ ევროპაში ყავა კულტურულ თუ სოციალურ ფენომენად ჩამოაყალიბა. მაგალითად, მე-17 საუკუნიდან ევროპის ისეთ ქალაქებში, როგორებიცაა ლონდონი, პარიზი და ვენა, ყავის სახლები მალევე ინტელექტუალურ ცენტრებად იქცა.

პროდუქტის სასარგებლო თვისებები

ყავის მთავარი და ყველაზე შესამჩნევი სასარგებლო მხარე მის მასტიმულირებელ ფუნქციაში მდგომარეობს. გამომდინარე იქიდან, რომ პროდუქტი კოფეინს შეიცავს, მისი მიღება აუმჯობესებს კონცენტრაციის უნარს, სიფხიზლესა და განწყობას. კოფეინი ადრენალინის გამოყოფას უწყობს ხელს, რაც ფიზიკურ დატვირთვასა და გამძლეობაზე დადებითად აისახება. აღსანიშნავია, რომ ყავის მოხმარება შესაძლოა დაკავშირებული იყოს დეპრესიის დაბალ რისკთანაც კი. ამასთანავე, ყავა მდიდარია ანტიოქსიდანტებით, მაგალითად, ქლოროგენის მჟავით, რომელიც ორგანიზმს თავისუფალი რადიკალებისაგან ათავისუფლებს.

ყავის სახეობები ევროპროდუქტში

ყავის ფართო მოხმარებასთან ერთად სხვადასხვა სახეობების წარმოების საჭიროებაც გაჩნდა, რომელთა ფართო სპექტრსაც მაღაზიათა ქსელ ,,ევროპროდუქტში” შეხვდებით.

ნალექიანი ყავა

ნალექიანი ყავა პოპულარული სახეობაა, რომელიც განსხვავებით მარცვლებისაგან, დაფქულ მდგომარეობაშია. პროდუქტი მოხალული ყავის მარცვლებისაგან მზადდება, რაც საუცხოო არომატს განაპირობებს. ნალექიანი ყავის წარმოებისას დაფქვის პროცესი ძალიან მნიშვნელოვანი ეტაპია, რადგან საბოლოო პროდუქტის ზომაც კი უდიდეს გავლენას ახდენს მის გემოსა თუ არომატზე. დაფქვის სხვადასხვა მეთოდები არსებობს, მაგალითად ფრანგული პრესი, რაც შედარებით მსხვილ ნაწილაკებს გულისხმობს. ,,ევროპროდუქტში” ხელმისაწვდომია, როგორც ადგილობრივი, ისე იმპორტირებული წარმოების ნალექიანი ყავის ფართო ასორტიმენტი.

ხსნადი ყავა

ხსნადი ყავის ისტორია სათავეს მე-20 საუკუნის დასაწყისიდან იღებს, როდესაც მწარმოებლები მომზადების უფრო მარტივ და ეფექტურ გზას ეძებდნენ. საბოლოოდ, სპეციალური ტექნიკის შემუშავებით, მიიღეს პროდუქტი, რომელიც კრისტალების სახითაა წარმოდგენილი და ცხელ წყალში მარტივად იხსნება. შესაბამისად, ნალექიანისაგან განსხვავებით, ხსნადი ყავა რამდენიმე წამში მზადდება, რაც მას მეტად მოსახერხებელს ხდის. ადრე ხსნადი ყავა მხოლოდ მარტივ ალტერნატივად მიიჩნეოდა და მისი გემოვნური თვისებები მნიშვნელოვან ყურადღებას არ იმსახურებდა. თუმცა, ინდუსტრიის განვითარებასთან ერთად კომფორტი კომპრომისს აღარ ნიშნავს - დღეს მწარმოებლები უპირატესობას ხარისხიან მარცვალს ანიჭებენ და არომატის მაქსიმალურ შენარჩუნებაზე ზრუნავენ.

უკოფეინო ყავა

როგორც ცნობილია, ყავა ბუნებრივად შეიცავს სტიმულატორ ნივთიერება კოფეინს. ამ ტიპის ყავა ჩვეულებრივი მარცვლებისაგან მზადდება. განსხვავება კი იმაში მდგომარეობს, რომ წარმოების განსაკუთრებულ პროცესს გადის, რის შედეგადაც კოფეინის მნიშვნელოვანი რაოდენობისაგან თავისუფლდება. მისი სახელწოდება არ გულისხმობს იმას, რომ ყავა კოფეინს სრულად არ შეიცავს, არამედ მასში ამ ნივთიერების 0.3%-ზე ნაკლები შედის. კოფეინის მიმართ მგრძნობიარე ადამიანები უძილობას, გულისცემის აჩქარებას, მაღალ არტერიულ წნევასა და შფოთს განიცდიან ხოლმე. ამ გვერდითი მოვლენების თავიდან ასაცილებლად კი უკოფეინო ყავა, რომელიც ,,ევროპროდუქტშია” ხელმისაწვდომი, საუკეთესო გამოსავალია. განურჩევლად იმისა, თუ რომელი სახეობის ყავას ეძებთ, მაღაზიათა ქსელ ,,ევროპროდუქტში” თქვენი გემოვნებისა და საჭიროებების გათვალისწინებით, სასურველი სახეობის შეძენას აუცილებლად შეძლებთ. ჩვენს მომხმარებელს ევროპული ხარისხისა და თანამედროვე მოთხოვნების შესაბამის პროდუქტს ვთავაზობთ.