მაკარონი და პასტა 

მაკარონი, კერძოდ კი პასტა ბევრისათვის საყვარელი პროდუქტია. იტალიური სამზარეულოს განუყოფელი ნაწილი, პასტა ლოკალური გამოყენების საზღვრებს გასცდა და დღეს მსოფლიოს ნებისმიერ კუთხეში, მათ შორის საქართველოში, მას სხვადასხვა ვარიაციებით ამზადებენ. 

გემრიელი და არომატული პასტის მოსამზადებლად მაღალი ხარისხის ნედლეულია საჭირო. ჩვენ კი ევროპული ხარისხისა და იტალიური მაკარონების მრავალფეროვან არჩევანს გთავაზობთ, რომელთა შეძენასაც ფილიალებში ან ევროპროდუქტის ონლაინ მაღაზიაში შეძლებთ.

რით განსხვავდება ერთმანეთისაგან პასტა და მაკარონი?

მაკარონი ფართო გამოყენების ტერმინია, რომელიც ხორბლის ფქვილის, წყლისა და კვერცხის შერევის შედეგად დამზადებული პროდუქტების მასშტაბურ სპექტრს გულისხმობს. მაკარონი სხვადასხვა ფორმის, ზომის, სისქისა და დანიშნულების მიხედვით გვხვდება. მაგალითად, ,,ევროპროდუქტში” ხელმისაწვდომია გრძელი, დახვეული, საბავშვო და ა.შ მაკარონები.

რაც შეეხება პასტას, მართალია ეს უკანასკნელი ხშირად დამოუკიდებელ კატეგორიად მიიჩნევა, თუმცა სინამდვილეში მაკარონის ფართო და მრავალფეროვანი ჯგუფის ქვეშ ერთიანდება. პასტა ერთ-ერთი ყველაზე ცნობილი სახეობაა, რასაც იტალიურ სამზარეულოში მისი მრავალსაუკუნოვანი ინტეგრირება განაპირობებს. ამ პროდუქტის მომზადება მრავალნაირადაა შესაძლებელი, მაგალითად, სპაგეტი ტომატით ერთ-ერთი ყველაზე გავრცელებული კერძია. ამასთანავე, ,,ევროპროდუქტში” პასტისათვის ისეთი მზა სოუსების შეძენა შეგიძლიათ, როგორებიცაა: პესტოები, ბოლონეზეს სოუსი და ა.შ. 

გარდა პასტისა, ,,ევროპროდუქტის” ქსელში ხელმისაწვდომია ვერმიშელი, რომელიც მცირე ზომის, წვრილი მაკარონის სახეობაა. ეს პროდუქტი ძირითადად წვნიანებში გამოიყენება. ამასთანავე, ჩვენთან ბრინჯისაგან დამზადებულ მაკარონს ე.წ. ჩხირებსაც შეიძენთ, რომელიც აზიურ კერძებში აქტიურად გამოიყენება. 

ორგანული მაკარონი და ხელნაკეთი პასტა “ევროპროდუქტისაგან”

სუპერმარკეტების ქსელი ,,ევროპროდუქტი” უმაღლესი ხარისხის ორგანულ მაკარონებს გთავაზობთ. ორგანული დამზადების მეთოდი გამორიცხავს სინთეზური ქიმიკატებისა და გენმოდიფიცირებული პროდუქტების გამოყენებას. ამის ნაცვლად ნედლეული შერჩეულია იმის მიხედვით, თუ რამდენად ბუნებრივია ის, არის თუ არა მექანიკურად ან ქიმიურად დამუშავებული და ა.შ. შესაბამისად, ორგანული მაკარონი მაღალი კვებითი სარგებელით გამოირჩევა. პროდუქტში გამოყენებული ინგრედიენტები ჯანსაღი, ნუტრიენტებით მდიდარი და ჯანმრთელობისათვის სასარგებლოა. 

ორგანული მაკარონის ერთ-ერთი მთავარი სარგებელი ის არის, რომ მასში პესტიციდური ნარჩენების ძალიან დაბალი შემცველობაა. პესტიციდები, რომლებიც სოფლის მეურნეობაში მცენარეების დასაცავად გამოიყენება, შეიძლება საკვებზე დარჩეს და პოტენციურად იმოქმედოს ადამიანის ჯანმრთელობაზე. შესაბამისად, ორგანული პროდუქტის, მათ შორის მაკარონის არჩევით შეგიძლიათ შეამციროთ თქვენს ჯანმრთელობაზე უარყოფითი ზემოქმედება. 

მიუხედავად იმისა, რომ თანამედროვე ტექნოლოგიებმა წარმოების ავტომატიზირება მოახდინა, ხელნაკეთი პროდუქტები განსაკუთრებული პოპულარობით სარგებლობს. ხელნაკეთი მაკარონის ერთ-ერთი მნიშვნელოვანი უპირატესობა განსაკუთრებული ტექსტურა და არომატია. ცომის ხელით ზელის პროცესი ნაზი კონსისტენციის მაკარონის მიღების შესაძლებლობას იძლევა. ჩვენს ქსელში წარმოდგენილი იტალიური წარმოების ხელნაკეთი პასტა მაღალი ხარისხითა და მდიდარი კვებითი ღირებულებით ხასიათდება. 

,,ევროპროდუქტის” მაღაზიათა ქსელში წარმოდგენილია სხვადასხვა ტიპის მაკარონი. ამასთანავე, ჩვენს პროდუქტებზე მრავალი ფასდაკლება დაგხვდებათ, რაც შოპინგს კიდევ უფრო სასიამოვნოს გახდის. შესაბამისად, ჩვენ გაძლევთ შესაძლებლობას, რომ თქვენი კერძები მრავალფეროვანი გახადოთ და იპოვოთ ის გემო, რომელიც საუკეთესოა.