შოკოლადი - ყველაფერი, რაც პროდუქტის შესახებ უნდა იცოდეთ

შოკოლადი კაკაოს მარცვლებისაგან მიიღება და აქტიურად იყენებენ სხვადასხვა ტკბილეულის, სასმელების, საკონდიტრო ნაწარმისა თუ პურ-ფუნთუშეულის დასამზადებლად. შეიძლება ითქვას, რომ შოკოლადი უნიკალური საკვები პროდუქტია, რადგან საუცხოო გემოსთან ერთად, განსაკუთრებული უნარით ხასიათდება. აქ იგულისხმება, რომ მცირე ზომის ნატეხის მიღებაც კი მომენტალურად ბედნიერების ჰორმონის, ენდორფინის გააქტიურებას განაპირობებს. შესაბამისად, ადამიანებში ამაღლებულ განწყობას, კრეატიულობასა და ენერგიების მოზღვავებას იწვევს. თუკი ლიტერატურიდან ცნობილ შოკოლადის მოყვარულ პერსონაჟს, ვილი ვონკას გავიხსენებთ, აღმოვაჩენთ, რომ მას ამ პროდუქტის სიყვარულმა ახალი გემოების ძიებისა და მაგიური ექსპერიმენტებისკენაც კი უბიძგა. 

სუპერმარკეტების ქსელი ,,ევროპროდუქტი” გთავაზობთ შოკოლადების მრავალფეროვან არჩევანს, რომელიც მოიცავს, როგორც ადგილობრივ, ისე ევროპიდან იმპორტირებულ პროდუქციას. ამ ბლოგში კი შოკოლადის ისტორიას მოგიყვებით და გაგაცნობთ სასარგებლო თვისებებს, რომლებიც ამ პროდუქტთანაა დაკავშირებული.  

მაიას ტომებში შოკოლადი მოიხსენიებოდა, როგორც ღმერთის სასმელი, რომელიც მოხალული და დაფქული კაკაოს მარცვლებისაგან მზადდებოდა. რაც არ უნდა უცნაურად ჟღერდეს, მას წიწაკით, წყლითა და სიმინდის ფქვილით აზავებდნენ. აცტეკები კი კაკაოს მარცვლებს ვალუტად იყენებდნენ. 

დროთა განმავლობაში შოკოლადი მსოფლიოს სხვა ნაწილებშიც პოპულარული გახდა. მიუხედავად იმისა, რომ ზუსტი თარიღი არავინ იცის, ამბობენ, რომ ერთ-ერთი პირველი ქვეყანა, სადაც შოკოლადის კულტურა გავრცელდა ესპანეთი იყო - ლეგენდის თანახმად, ადგილობრივმა მკვლევარმა ერნან კორტესმა შოკოლადი თავის სამშობლოში 1528 წელს შეიტანა.  კორტესმა შოკოლადი ამერიკაში ექსპედიციის დროს აღმოაჩინა - ოქროსა და სიმდიდრის ძიების პროცესში მან აცტეკების იმპერატორის კაკაოს ჭიქა იპოვა. შოკოლადი, როგორც პროდუქტი თავდაპირველად  აქაც სასმელებში, მაგალითად ცხელ შოკოლადში, გამოიყენებოდა. ბუნებრივად მწარე გემოს გასანეიტრალებლად კი ის შაქრითა და თაფლით ზავდებოდა. 

როგორ წესი, შოკოლადის დამზადება რთული პროცესია, რომელიც სპეციალიზებულ ტექნიკასა და ცოდნას მოითხოვს, მაგრამ სახლისათვის მარტივ რეცეპტს გაგიზიარებთ. 

მოიმარაგეთ შემდეგი ინგრედიენტები:

• 1 ჭიქა კაკაოს ფხვნილი;
• 1/2 ჭიქა ქოქოსის ზეთი ან კაკაოს კარაქი;
• 1/4 ჭიქა თაფლი ან ნეკერჩხლის სიროფი;
• 1 ჩაის კოვზი ვანილის ექსტრაქტი;
• ცოტა მარილი.

ქოქოსის ზეთის ან კაკაოს კარაქის გალღობის შემდეგ მას კაკაოს ფხვნილი, თაფლი/ნეკერჩხლის სიროფი, ვანილის ექსტრაქტი და ცოტა მარილი დაუმატეთ და გამოყენებული ინგრედიენტები ერთმანეთში კარგად შეურიეთ. გახსოვდეთ, რომ სურვილის შემთხვევაში შეგიძლიათ რძე  გამოიყენოთ. 

მიღებული მასა დააგემოვნეთ, რათა საბოლოო პროდუქტი დაბალანსებული არომატებისაგან შედგებოდეს. საბოლოო შედეგის მისაღებად რამდენიმე საათია საჭირო, რადგან ინგრედიენტების ნარევი უნდა დააყოვნოთ, გააგრილოთ და ბოლომდე გამყარებას დაელოდოთ.

მზადების პროცესში ინტერპრეტაციებისაგან შეზღუდულები არ ხართ, შეგიძლიათ დეკორაციისათვის ნებისმიერი დამატებითი პროდუქტი გამოიყენოთ, იქნება ეს თხილი, ჩირი თუ სხვა. 

იმ შემთხვევაში თუ სპეციფიკური მოთხოვნები გაქვთ, მაგალითად დიაბეტური შოკოლადის ყიდვა გჭირდებათ, მაშინ მიმართეთ სუპერმარკეტების ქსელ ,,ევროპროდუქტს”.

მნიშვნელოვანია ისიც, რომ შოკოლადს მსუბუქი ანტიდეპრესანტის ეფექტი აქვს და განწყობის გაუმჯობესებას უწყობს ხელს. გარდა ამისა, მნიშვნელოვნად აუმჯობესებს მეხსიერებისა და დასწავლის უნარებს. 

სუპერმარკეტების ქსელ ,,ევროპროდუქტში”  შეძლებთ, როგორც მზა შოკოლადების, ისე მის დასამზადებლად საჭირო ინგრედიენტების შეძენას. მართალია, ვილი ვონკას შოკოლადის ქარხანას საქართველოში ვერ მიაგნებთ, თუმცა ,,ევროპროდუქტის" მაღაზიათა ქსელში ამ პროდუქტის გასაოცარი არჩევანი დაგხვდებათ. უგლუტენო, სამარხვო ან არაქისის კარაქიანი შოკოლადების შეძენა თქვენს სახლთან  მდებარე ფილიალში ან ჩვენს ონლაინ მაღაზიაში შეგიძლიათ.