Babbi-ის ხრაშუნა ვაფლი ევროპროდუქტშია

საკონდიტრო ნაწარმიდან გამორჩეული და ყველასათვის საყვარელი დესერტი თხელი და ხრაშუნა ტექსტურის მქონე ვაფლია. ტკბილეულის ეს სახეობა ყველა გემოვნების ადამიანს ხიბლავს, რადგან მრავალფეროვნებით ხასიათდება - შეიძლება იყოს შოკოლადის, ვანილის, კარამელის ან ხილის შიგთავსით.

თუკი ახალ არომატებს ეძებთ და აღმოჩენებისთვისაც მზად ხართ, გაცნობებთ, რომ სუპერმარკეტების ქსელი ,,ევროპროდუქტი" იტალიური ვაფლის მწარმოებელი კომპანიის ექსკლუზიური პარტნიორია. Babbi-ს ტკბილეული საუკუნოვანი ტრადიციის სრული დაცვით მზადდება და გამონაკლისი არც ვაფლია. უნიკალური რეცეპტებისა და ნატურალური პროდუქტების შედეგად პრემიუმ ხარისხის ტკბილეული მიიღება, რომლის დაგემოვნებასაც ამიერიდან ქართველი მომხმარებელიც შეძლებს.

ვაფლი და მისი შექმნის ისტორია

მეტად საინტერესოა ის ფაქტი, რომ ვაფლის წარმოშობის საფუძვლები ძველ ცივილიზაციებში, ეგვიპტეში, საბერძნეთსა და რომში იკვეთება. აქ თითქმის ყოველდღიურად იყენებდნენ უსაფუარო ცომეულს, რომელიც ძალიან ჰგავდა ვაფლს, თუმცა მისგან განსხვავებით, ტკბილი არ იყო.

დროთა განმავლობაში ეს ნუგბარი საზოგადოების ყველა სეგმენტში გახდა პოპულარული. იმდენად, რომ ხშირად დღესასწაულებზე ქუჩებში შეკრებილი ხალხი თავს ვაფლის ჭამით ირთობდა. საინტერესოა, რომ პროდუქტზე მზარდმა მოთხოვნამ გააჩინა იმის საჭიროებაც, რომ შექმნილიყო სამარხვო ვაფლი. საბოლოოდ, ასე გავრცელდა ხრაშუნა დესერტი და ევროპული გემო ახლა საქართველოშიც ხელმისაწვდომია.

Babbi-ის ვაფლი ,,ევროპროდუქტში”

1952 წელს იტალიის ისტორიულ და გასტრონომიული ტრადიციით ცნობილი რეგიონის, რომანიის შუაგულში, ატალიო ბაბიმ საკონდიტრო დააარსა და მიზნად საუკეთესო ვაფლების გამოცხობა დაისახა. ის ამბობდა, რომ მისი პროდუქცია მუდმივი კვლევა-ძიების, უწყვეტი ექსპერიმენტებისა და ფრთხილი მუშაობის შედეგია, რამაც საბოლოოდ მაღალი ხარისხის ტკბილეულის წარმოებას დაუდო საფუძველი.

გარდა უნიკალური რეცეპტების, ექსპერიმენტებისა თუ სიახლეებისა, Babbi-ს პროდუქციის, კერძოდ კი ვაფლების განსაკუთრებულობას მისი ხარისხი განაპირობებს. სწორედ ამ მიზნით კომპანიისათვის ერთ-ერთი მთავარი პრიორიტეტი ნედლეულის სწორი შერჩევაა. ამ საკითხს იმდენად დიდი მნიშვნელობა ენიჭება, რომ კომპანიაში კონსერვატიული და წარმოებისათვის წამგებიანი გადაწყვეტილებებიც კი იქნა მიღებული - როგორც წესი, ზაფხულის სიცხე მსგავსი პროდუქციის ხარისხზე უარყოფითად აისახება. სწორედ ამიტომ, Babbi-მ წელიწადის ამ დროს ხრაშუნა ორცხობილა წარმოებიდან ამოიღო, რადგან სჯერათ, რომ სრულყოფილების მიღწევა მხოლოდ მაღალი ხარისხის უზრუნველყოფითაა შესაძლებელი. აღსანიშნავია, ისიც, რომ Babbi ვაფლის მრავალ სახეობასა თუ ვარიაციას აწარმოებს, იქნება ეს ასორტი თუ ტორტი.

ლოკალური წარმოება დროთა განმავლობაში გაფართოვდა და არა მხოლოდ რომანიის, არამედ იტალიის ფარგლებსაც გასცდა. ამის შედეგად პრემიუმ ხარისხის ვაფლი ექსკლუზიურად წარმომადგენელია მაღაზიათა ქსელ ევროპროდუქტში. გარდა აღნიშნული პროდუქტისა, აქ ასევე ხელმისაწვდომია სხვადასხვა ტიპის ტკბილეული.